الثلاثاء، 28 يونيو، 2016

..المهم طلعت وحدة فالعشرينات كدا رفيعة لابسة عباية سودا ولقيتها اتحشرت جمبي لقيتها عمالة تتدخل ايدها فجيبها وتطلعها بطريقة غريبة كدا !

الكلام دا هقوله عشان الناس تاخد بالها ..
كنت راكبة الباص الأخضر الصغير دا فالكرسي الاولانى ..
وماسكة الموب والمحفظة فايدى -وهتعرفو الحكمة من كدا - ..وشنطتى علي رجلى ..
المهم طلعت وحدة فالعشرينات كدا رفيعة لابسة عباية سودا ولقيتها اتحشرت جمبي .. -  ومكانش زحمة واول متحسوا بحركة غريبة امسكوا ال جنبكم من افاه لحد متفهموا في ايه 
المهم لقيتها عمالة تتدخل ايدها فجيبها وتطلعها بطريقة غريبة كدا !قلت عاااادى
وفجأه الدنيا لفت بيا ودروخت وعينى زغللت وراسي تقلت .. وعمالة افكر هو مال النوم كبس عليا فجاة ليه !
يشاء العليم القدير سبحانك يارب .. اصحى علي صوت السواق وهو عمال يزعق وينادى
الانسة ال ليها باقي ١٠٠ ورااااااالحد مفوقت علي المكان ال كنت هنزله .ونزلت
لقيت كذا حد بيبحلق فالچيبة .. بصيت لقيت چيبتى غرقانة بودرة -الصورة بعد مانفضتها جامد - وقعدت انفضها .. وقعدت شوية علي مفوق تانى لانى كنت حسة انى دايخة ونعسانة 
ندمت بقي انى مجيبتهاش من افاها لما لزقتلى والدنيا واسعة ..
او انى مجيبتهاش من شعرها لما حسيت بحركة مريبة منها ..
الاشكال دى لازم تتضرب وتتسحل ضرب ياجماعة في بلد لافيها حكومة ولا قانون ولافاضيين اصلا للى بيحصلنا فالشوارع ..
وبعدين اكتر حاجة هتحصل ايه يعنى؟ هنقتل ونتقتل ونموت
طبعا واضح انها كانت ناوية تنيمنى وتنشل الموبيل والمحفظة وتنزل بهدوء !~™