الأربعاء، 29 يونيو، 2016

قصة واقعية من طرائف مار جرجس


معروف إن البنات دايماً يتشفعوا بالقديس مار جرجس و القديس الأنبا موسى الأسود لما يركبوا التاكسي من منطقة بعيدة أو في وقت متأخر بليل - و ده علشان القديسين دول سريعى الندهة ... المهم .. كان في
مرة بنت خرجت متأخرة من شغلها الموجود في منطقة بعيدة في وقت متأخر بليل .. قعدت تصلي و تقول :
يا أنبا موسى الأسود ، يا مار جرجس .. ابعتولي تاكسي لحسن الوقت اتأخر و انا تعبانة شوية
و فات تاكسي شاورت له .. وقف .. و ركبت ، و هي جوة التاكسي فضلت تصلي و تتشفع بالقديسان دول علشان توصل بالسلامة و فجأة لقت الراجل السواق اداها صورة الأنبا موسى الأسود ..
فسألته و هي متحيرة : أيه ده ؟؟!! قالها : ده الأنبا موسى .. أنتي مش كنتي بتندهيله من شوية !!
وسط ذهول البنت شافت صورة قديس بحصان متعلقة قدام السواق ( كانت فكراها صورة مار جرجس )
فقالت للسواق: حلوة أوي صورة مار جرجس دي ..
قالها : لأ , دي مش صورة مار جرجس .. دي صورة الأمير تادرس
البنت قالت له : أنا متأكدة إن دي صورة مار جرجس ..
السواق قالها : قولتلك دي مش صورته .. أنا مار جرجس ..و دي صورة الأمير تادرس.
قالتله : آه قصدك أنت اسمك جرجس قالها : لااااااااا أنا مار جرجس