السبت، 2 يوليو، 2016

شكرا ليك يا رب ع التمن الغالي قصة جميلة يارب تعجبكم

كان ابونا يفتقد رجل غني وحصل انه شاف عنده عبد لونه اسمر اسمة عجبان عمال يشتغل بكل طاقته وكانه بيموت نفسة في الشغل فقاله ابونا يابني يا عجبان الدنيا ياابني اتخلقت في ٦ ايام اللي ما يخلصش النهاردة يخلص بكرة يا ولدي لاحسن يحصلك حاجة قاله لا يا ابونا القمص انا لازم افرح قلب سيدي اصلك ما تعرفش عمل معايا اية يا ابونا انا كنت اصلي عبد ما تاني وكان بيقولي يا عبد يا اسود وكان بيضربني ويجرحني وجالي مرض دمامل في جسمي فقالي هبيعك يا عبد يا اسود واخلص من قرفك وراح السوق يبعني ووقفت بين صفوف العبيد وعدى علي سيدي اللي اشتراني طلب مني اتقدم خطوة قولت يا سوادك يا عجبان تلاقية قالك اتقدم خطوة علشان يخرجك من الصف ويشتري الصف كله لكن اللي حصل انه طلب يشتريني انا بوحشتي ومرضي سيدي الاولاني قاله ده وحش قاله عجبني قال ده عندة دمامل وهيبوظلك فرشة السرير اللي هينام عليها قاله برده عجبني قاله مرضة معدي وهيعديك قاله بردة عجبني قاله ده ريحته وحشه جدا ويقرف الكلب قاله برده عجبني قاله طب انا هبيعة ب دينار احمر قاله وانا هشتريه مع ان تمن العبد مش غالي كده ودفع فى التمن وقالي كلمة اول مرة اسمعها قالي يلا يابني سيدي الاولاني كان بيقولي يا كلب يا جربان لكن سيدي التاني قالي يا ابني عرفت لية لازم افرح قلب سيدي قالة ابونا القمص كفاية يا عجبان يا ابني قلبت علي المواجع انت سيدك اشتراك بدينار احمر ومقدر الجميل وانا سيدي اشتراني بالدم الاحمر ومش مقدر الجميل