الأربعاء، 13 يوليو، 2016

موقف جميل جداااااااااا يبين بساطه البابا كيرلس السادس ومحبته الكبيره

البابا كيرلس كان فيه عاده انه بيحب يروح الكنائس الساعه 4 الفجر بدون ما حد يعرف من الاباء الكهنه ويدخل يصلى التسبحه وباكر والقداس يجى الكاهن يصلى يلاقى البابا كيرلس موجود وبيصلى يشترك معه فى عام 1968 توجه البابا كيرلس الساعه 4 الفجر الى كنيسه مارمرقس شبرا مصر خبط على باب الكنيسه فتحله الفراش قاله مين رد البابا كيرلس قاله انا البابا كيرلس رد الفراش قاله عاوز ايه قاله جى اصلى يابنى افتحلى قاله الفراش حد يجى الساعه دى روح صلى فى اى كنيسه تانى قاله البابا معلش يابنى هصلى بصوت واطى مش هزعجك قاله الفراش طيب اتفضل بس بصوت واطى عاوز انام ودخل الفراش فتح الكنيسه للبابا كيرلس وتلميذه وتركهم يصلو وجه بعد التسبحه ابونا ميخائيل ابراهيم صلى قداس مع البابا كيرلس شوفو موقف يبن بساطه وقلب البابا كيرلس ده لو كاهن مش هقلكم اسقف مجرد كاهن فى فراش عمل معاه كده ممكن يبهدله ويسمعه كلام كتير لكن البابا كيرلس بقلبه الطيب والبسيط اتعامل ببساطه مع الفراش على قد عقله وتعليمه ومقلش انا البابا ازاى تعمل كده والفراش ده لازم يطرد البابا كيرلس هو عنوان للحب والبساطه