الخميس، 18 أغسطس، 2016

تحذير هام يا جماعة انا امبارح كنت في روكسي مصر الجديدة و وانا واقفة قدام محل لقيت واحدة منقبة بتقول لوحدة معاها بعصبية ( الناس مبقتش تنزل بـ .....

يا جماعة انا امبارح كنت في روكسي مصر الجديدة و وانا واقفة قدام محل لقيت واحدة منقبة بتقول لوحدة معاها بعصبية ( الناس مبقتش تنزل بعيالها اعملكوا ايه اروح اخطفهم من بيوتهم ) والله العظيم بالحررررف قالتلها كده وانا عملت نفسي بتكلم في الموبيل علشان اسمع هي بتقولها كده ليه وميخدوش بالهم مني وال حصل بقي 
.و المنقبه بتتكلم راحت الواقفة معها التانيه بتقولها اهي اهي بسرعه في واحدة الناحية التانية لوحدها معاها عيل وفعلا انا ببص لقيت واحدة عندها حوالي ٣٠ سنة ومعاها ولد صغير حوالي ٩ سنين كده 
راحت المنقبة قايله للمعاها اندهي الواد احمد بسرعة انا هروحلها.. 
احمد ده بقي عيل صغير يجي ١٢ او ١٣ سنة كده وال انا فهمته ان المنقبه دي بتخلي احمد ده يروح للناس يعمل نفسه شحات ويفضل يزن ويعيط لحد ما الناس تزهق وتطلعله فلوس من الشنطة تقوم المنقبه واخده الطفل ال معاهم بسرعه في الزحمة 
.الحمد لله ان انا كنت سمعاها وهي بتعدي الناحية تانية تاخد الواد روحت بسرعة عديت وكانت البنت المعاها الولد دخلت محل فدخلت وراها وعرفتها بالسمعته وانها واقفه بره مستنياها تخرج بالولد راحت مصوته وحضنت ابنها جامد اوي وقالتلي انا خايفة علي ابني اوي وكانت مرعوبة 
. راحت قالتلي لا انا مش هسكت وكلمت واحد كان معاها قالتله ارجعلي بسرعة حصل كذا كذا رجعلها ودخلنا المحل وهو داخل شاف المنقبه واحمد ده معاها مستنياها بره والمهم اتفقوا انهم هيخرجوا بالولد وقال لمراته سيبيني انا هتصرف بس اخرجي انتي لوحدك بالولد عادي وانا وراكي 
.وفعلا خرجت والواد ال بيعمل شحات ده جه وفضل يعيط ويقولها اديني اي حاجة والمنقبه كانت جايه وراها والبنت عملت نفسها بطلع الفلوس من الشنطة والمنقبة كانت لسه هترش حاجة علي الولد راح جوزها خرج واقسم بالله عدمها العافية وفضل يضربها ضرررررب بالقلام والشلاليت ويشدها من الحجاب يجي مثلا نص ساعة بيضرب فيها جامد لما كانت هتموت خلاص 
. وبعد كل ده خدها علي القسم هي والواد الصغير البيعمل شحات ده ومشي 
يا جماعة خلوا بالكوااااااا الخطف وسرقة الاعضاء بقوا كتييييير اوووي الايام دي فعلشان خاطر ربنا وعلشان ولادكم لو نزلتوهم معاكوا خلي عينكوا عليهم ومتسبهمش من ايديكم ابدا وربنا يسترها علينا كلنا